Қамқоршылық кеңесінің

 Хаттамасы № 1

09.09.2021

Күн тәртібінде:

1. Мектепте қамқоршылық кеңес төрағасы және кеңес мүшелерін сайлау.
2. Мектептегі әлеуметтік аз қамтылған отбасы балалары туралы   және олардың алып жүрген көмектері жайлы ақпарат

Тыңдалды:

1.   Бірінші мәселе бойынша   мектеп директоры Д.М.Ашкиев сөз алды.

Қамқоршылық кеңестің мүшелерін Қамқоршылық кеңестің жұмысын ұйымдастырудың және оны білім беру ұйымдарында сайлау тәртібінің үлгілік қағидаларымен, Қамқоршылық кеңес қызметінің мақсаттары мен міндеттері, Қамқоршылық кеңестің құрамы, құрылымы, жұмыс істеуі және қызметінің негізгі бағыттары айтылған Қамқоршылық Кеңес туралы ережемен таныстырды      Пафилов аудандық білім бөлімінің бұйрығы негізінде біздің мектепте қамқоршылық кеңесі құрылып,  кеңес мүшелері сайлану керек. Қамқоршылық кеңесі  басқарудың қоғамдық-мемлекеттік түрлерін дамыту және білім беру жүйесі, ізгілік қызметтері мекемелеріне қолдау жасауға қосымша қаржы тарту мақсатында құрылады. 

Қамқоршылық кеңесінің мақсаты – білім беру мекемесінің дамуына қолдау жасау, қала аумағында жұмыс істейтін басқа ұйымдармен оның байланысын нығайту, заттай  және ақшалай қаржыларды белсенді пайдалану. Қамқоршылық кеңестің негізгі қағидаларында кеңес  құрамына жергілікті басқару органдардан: әлеуметтік педагог, жеке кәсіпкерлер, демеушілік жасап келе жатқан ата-аналарымыз, ауыл имамдары  ұсыныла алатынын айтып өтті. Жиналыста ата-аналар дауысқа салынып қамқоршылық кеңесін бір ауыздан  құрды.Қамқоршылық кеңесінің құрамы 9 адамнан тұрады

Сөйледі:

1.Мектептің ата-аналар комитеті төрағасы Нұрбосын Жұматайұлы мектептің ата-аналар комитеті мен ата-аналар үштігінің келісімімен 2021-2022 оқу жылына төмендегі тізімдегі ата-аналарды Қамқоршылық Кеңесі мүшелеріне ұсынды.

Жиналысқа қатысушылар тізімдегі азаматтарды бір ауыздан қолдады.

Кеңес мүшелеріне бірінші отырысын өткізіп өз келісімдері бойынша кәсіпкер  ауылымыздың азаматы  Бегимбетов Ғани Акимбековичті Қамқоршылық кеңесі төрағасы етіп сайлады.  

Сөз соңында Д.М.Ашкиев  Қамқоршылық кеңесі жаңа құрамын аудандық білім бөлімі бекітетінін ескертіп, қатысушыларға сөз кезегін ұсынды.

2. Екінші мәселе бойынша мектептің әлеуметтік педагогы А.Тоқтасын мектептің әлеуметтік жағдайын қатысушыларға таныстырды:

          Биылғы 2021-2022 оқу жылында  0-11 сыныптар арасында 759 оқушы, 1-11 сыныптар арасында 690 оқушы мектепке оқуға келді. Осы оқушылармен сынып жетекшілер оқушыларының  әлеуметтік жағдайын сыныптары бойынша анықтап мектеп бойынша жеке санаттары бойынша 291 бала көпбалалы отбасында, 1 бала тұл жетім   (қамқоршының тәрбиесінде), 30 бала жартылай жетім, 8 бала оралман, 15 бала уақытша туысының  отбасымен тұрады, 12 бала өгей ата-анасымен тұрып мектепте оқып жүр. 

Оқушылардың сапалы білім алуына жағдай жасау мақсатында жалпыға бірдей білім беру қорынан әлеуметтік жағдайы төмен отбасы балаларынан (жетім, толық емес отбасы, көп балалы отбасы) 57 оқушы , арендатор есебінен 6 оқушы мектеп асханасынан тегін ыстық тамақпен қамтылған. 63 оқушының 42 оқушысы бастауыш сыныптардан ұсынылды.  Осы аталған балаларға  сынып жетекшілердің, ата аналарының сұранысы бойынша мектепте ұйымдастырылған қайырымдылық қорынан түскен ақшаға немесе ұдайы көмек қолын созып жүрген  демеуші кәсіпкерлер, ауыл азаматтары, ұлттық орталықтар, мұғалімдер немесе зейнеткер мұғалімдердің көмегімен «Мектепке жол» акциясы барысында және әр маусымда, мерекелерде киім-кешектер беріп тұрамыз.

3.Келесі сөз кезегін  Бегимбетов Ғани Акимбекович сөз алып, мектепке  әрқашан қол ұшын созып көмек беруге дайын екендігін айтып, қамқоршылық кеңестің төрағасы болуға келісімін берді. Кеңес мүшелерімен алдағы уақытта атқаратын жұмыстарын бөлісті.      

          Күн тәртібіндегі мәселені талқылай келе, төмендегі шешім шығарылды

Шешім:

1.   «Қамқоршылық кеңесінің» мүшелері өз келісімдерімен бөлінген жұмыстарын жүргізуді ұйымдастыру қамқоршылық кеңесінің төрағасы Бегимбетов Ғани Акимбековичке жүктелсін..2021-2022 оқу жылында қамқоршылық кеңес қызметінің және оның сайлау тәртібінің үлгілік ережелерін бекіту туралы ережесін басшылыққа ала отырып, кеңес мүшелері жұмыс атқарсын.
2. Қамқоршылық кеңестің жалпы ережеге сәйкес жоспары құрылып, сол жоспар бойынша жұмыстар уақытында атқарылсын.

Хатшы:                             Калиева Г.Қ